Qatar don appoint former Portugal and Real Madrid coach Carlos Queiroz their head coach. Queiroz go take over from Felix Sanchez. Queiroz wey lead Iran for the 2022 World Cup, don coach South Africa, Colombia plus Egypt.
Afrobeats superstar, David Adeleke wey everybody know as Davido don perform for Qatar World Cup closing ceremony. The performance na Davido’s first show since him son Ifeanyi die. Davido perform the World Cup theme song, Hayya Hayya, with other artistes wey feature for the song.
Argentina captain wey be Lionel Messi say him no go retire from International football after Argentina win World Cup for shele for Qatar. Messi score two goals for Argentina for Sunday World Cup game final against France. Argentina win the game four-two after the two teams play penalty.
Argentina don beat Croatia three-zero To take reach World Cup Final. Lionel Messi score penalty while Julian Alvarez score two goals. Argentina go face either France or Morocco for Sunday final world cup game.
Portugal striker, Cristiano Ronaldo go leave Manchester United immediately. This one de happen so after Ronaldo grant one interview with Pierce Morgan wey him tok say him no get respect for manager Erik Ten Hag. Manchester United for one statement thank Ronaldo for him contribution for the two years period wey him play for the club.