Central Bank of Nigeria don put limit on top how much person fit withdraw.
CBN order banks plus other institutions wey get hand for issue wey concern money say make dem make sure say money wey people fit collect from bank counter weekly no go pass one hundred thousand naira while companies own no go pass five hundred thousand.
The CBN for one circular wey their Director on top Banking Supervision, Haruna Mustafa sign, say this instruction so go start all over Nigeria from January 9, 2023.
The CBN come still tok say, the highest money wey person fit collect for ATM for one week na one hundred thousand naira while every day withdrawal no go pass twenty thousand naira.
The number one bank still direct other banks make dem de load two hundred naira plus other small small money inside their ATM.