Federal Government don release independence anniversary programme
The Minister on top Information plus Culture, wey be Lai Mohammed for one press conference for Abuja say this year 62nd Independence Anniversary go start with one special church service this Sunday.
Him tok say Federal Government go hold public lecture to take discuss Nigeria National Unity for Thursday next week for inside State House Abuja.
The Minister still tok say one Special Juma’at prayer go shele for the National Mosque inside Abuja next week Friday.
Him still add say later that same day, military Parade for shele for Eagle Square inside Abuja to take mark the Independence Day.