The Supreme Court don throwey Oga Presido Muhammadu Buhari plus the Attorney General of the Federation’s case wey de challenge section eighty-four subsection twelve of the Electoral Act.
The court strike out the case sake of say, them no get the power to hear the matter and the case na abuse of court process.
The court for their decision today, tok say as Oga Presido Buhari don sigh the bill, him no fit go back again to reject am.
The Supreme court for one judgement wey Justice Emmanuel Agim deliver say, if the case go as Oga Presido Buhari take want am, e go amount to acceptance and rejection at the same time and no court go allow that one to happen.
Section eighty-four subsection 12 provide for the Electoral Act tok say no person wey get political appointment for any level go be voting delegate or come still find vote for convention or congress of any political party for the purpose candidate nomination for any election.