Golden Eaglets go play Morocco today for 2023 U-17 African Cup of Nations game. If Nigeria win today game, e mean say Golden Eaglets don qualify for the competition quarterfinals. Nigeria beat Zambia one-nil for Group B opening game.
Switzerland go host the 2025 Women’s European Championship. UEFA choose Switzerland upon say Poland, France, Denmark, Sweden, Finland and Norway say dem wan host the tournament. Ukraine also express interest say dem go host the event before Russian invade that country.
Super Eagles don beat Guinea-Bissau 1-0 for 2023 Africa Cup of Nations second leg qualifier game. The three-time African champions regain their number one spot Group A after the win. Moses Simon scored the winning goal with penalty for 30 minutes inside the game.
Gianni Infantino don de reelected as FIFA presido for 3rd term. Nobody challenge Infantino for the election wey happen for Kigali wey be Uganda capital. Many many disagreements wey follow Infantino’s re-election na him support for Qatar World Cup.
Qatar don appoint former Portugal and Real Madrid coach Carlos Queiroz their head coach. Queiroz go take over from Felix Sanchez. Queiroz wey lead Iran for the 2022 World Cup, don coach South Africa, Colombia plus Egypt.
Southampton don sign Paul Onuachu wey de play for Genks for Belgium with 18 million euros. Onuachu wey be Super Eagles Striker sign a three-and-half-year contract with Southampton.