All Progressives Congress presidential candidate, Bola Tinubu don meet with business leaders and come still promise say him go revive industries wey don die for Nigeria if Nigerians elect am for 2023.
Tinubu tok this one so when him present him action plans to ogbonge business people for private sector for inside Eko Hotel and Suites, Lagos.
Business ogas dem wey come the event na Presido for Dangote Group, Aliko Dangote, Chief Executive Officer for Zenith Bank, Jim Ovia, Chairmo for Heirs Holdings, Tony Elumelu, Chairmo for Coronation Capital, Aigboje Aig-Imoukhuede plus CEO for Access Holdings wey be Herbert Wigwe.
Other people wey still come the meeting na Tinubu’s running mate, Kashim Shettima plus the Director-General for the Tinubu campaign, Simon Lalong.
Plenty APC Governors still attend the event.