Super Eagles coach Eric Chelle don talk say im players no sabi how to manage game when dem dey control am.
Nigeria bin lead di match afta Victor Osimhen score for di 74th minute, but di team no fit hold di advantage as Chirewa score equalizer for stoppage time.
Di Warriors balance di game for di 90th minute, wey make Chelle vex for di result.
For im post-match reaction, di Malian coach talk say im team must sabi how to close match wey dem don dey win.
“Di players fit don tire small, and na e make dem lose concentration, wey cause di goal,” Chelle talk.
Super Eagles no fit maintain di same energy wey dem use play first half, and na wetin give Zimbabwe chance to score late equalizer.
“E hard for me to analyze di game now because, honestly, I feel say we suppose win,” Chelle talk.
“We create chances, we press dem well, and we play correct ball for first half. But we gas sabi how to manage game well when we dey lead.”
Chelle still talk say for dis level, if team lose focus or tire, e fit cost dem di match.
