Ademola Lookman don enter wahala as Atalanta coach, Gian Piero Gasperini, vex for am say e go carry penalty during dia UEFA Champions League play-off match against Club Brugge.
According to Gasperini, Lookman na one of di worst penalty takers wey e don ever see.
For Tuesday night match wey dem play for Gewiss Stadium, Atalanta lose di second leg 3-1 to Club Brugge.
La Dea waka comot for di competition as dem lose 5-2 on aggregate.
Club Brugge shock Atalanta as dem score three goals for first half.
Lookman enter di match for second half and e help Atalanta reduce di gap.
But wahala burst as di Nigerian star miss penalty for 62nd minute, wey come scatter dia hope of comeback.
After di match, Gasperini talk say, “Lookman na one of di worst penalty takers wey I don ever see, and e no suppose take dat penalty at all.”
“E record for training no good at all; e dey miss plenty. After e score, e just carry ball wan take penalty out of overzealousness, and I no like am at all, even when Retegui and De Ketelaere bin dey dia.”
