Di Supreme Court don ready to give judgment on di five appeals wey concern di crisis wey dey shake di Rivers State House of Assembly.
After dem hear di appeals wey concern di defection of di 27 lawmakers for di Assembly, di apex court don reserve judgment until dem go announce di date give all di people wey e concern.
Governor Siminalayi Fubara dey among di people wey dey challenge di legality of Martin Amaewhule as Speaker of di Rivers State House of Assembly, because dem say e don waka go join All Progressives Congress (APC) with 26 other lawmakers.
For di last sitting, di Supreme Court panel wey Justice Uwani Abba-Aji lead bin dismiss di appeal wey Governor Fubara carry come. Di appeal na about di legality of re-presenting di 2024 state budget before di House of Assembly leadership wey Amaewhule dey lead as Speaker.
Di dismissal happen after Governor Fubara lawyer, Yusuf Ali, withdraw di case, say di appeal no get relevance again.
