House of Representatives don talk say dem don get commitment from seven oil companies wey gree pay $37.4 million wey dem owe Federation Account before August 2025.
For statement wey dem release on Sunday, Reps spokesperson, Akin Rotimi, talk say di companies make dis pledge as Public Accounts Committee dey run investigation.
“Di commitment come after di Committee check di financial records of Nigerian Upstream Petroleum Regulatory Commission (NUPRC), wey show say some royalty payments and reconciliation process get plenty gap,” Rotimi talk.
Di money wey dem go pay na part of di ₦9 trillion wey Auditor General for di Federation query for him 2021 report wey dem submit give National Assembly. Some of di debts don accumulate for like four years, and e don show say oil and gas sector dey lose plenty money.
Rotimi still talk say apart from dis seven companies, di Committee don discover say 45 oil and gas companies still dey owe $1.7 billion (₦2.5 trillion) as unpaid royalty payments as of December 31, 2024.
Di seven companies wey don gree say dem owe and go pay before August 2025 na:
- Belema Oil
- Panocean Oil Nigeria Ltd
- Newcross Exploration & Production Ltd
- Dubri Oil Company Ltd
- Chorus Energy
- Amni International
- Network Exploration
Meanwhile, nine companies wey dey owe $429.2 million don challenge di figures, and dem don request make dem do reconciliation with NUPRC to confirm di real amount wey dem owe. Dem include:
- Aradel/Niger Delta
- Chevron
- STAR DEEP
- Shore Line
- Seplat Producing Unlimited
- Esso Erha
- Esso Usan
- Eroton Exploration
- Seplat Energy
Di Committee don give dem two weeks to do di reconciliation, after dat, dem go pay di confirmed debt without delay.
Apart from dem, 28 oil companies wey dey owe $1,230,708,293.14 never show up or respond to public notice. Dem include:
- Addax Petroleum Exploration Nigeria Ltd
- AITEO Group
- All Grace Energy
- Amalgamated Oil Company Nigeria Limited
- Total E&P Nigeria (OML 100, 102, 52 & 99)
- Bilton Energy Limited
- Enageed Resources Limited
- Waltersmith Petroman Limited
- Conoil Plc
- Continental Oil & Gas Company Ltd
- Energia Limited
- First E&P Ltd
- Frontier Oil Limited
- General Hydrocarbons Limited
- Green Energy International Ltd
- Nigeria Agip Exploration Ltd (NAE)
- Neconde Energy Limited
- Nigeria Petroleum Development Company (NPDC) – OML 60, 61 & 63
- Lekoil Oil and Gas Investments Limited
- Midwestern Oil and Gas Limited
- Millennium Oil and Gas Company Limited
- Oando Oil Ltd (OML 60, 61 & 62)
- Heirs Holding
- Pillar Oil Limited
- Platform Petroleum Limited
- Universal Energy Limited / Sinpec
- Sahara Field Production Limited
- Oriental Energy Resources Limited
Di Committee don give di 28 companies one week to submit all dia documents and appear before dem. If dem no comply, dem go face legislative and regulatory action.
Meanwhile, di House of Reps talk say na only two companies don fully pay dia royalty obligations:
- Shell Petroleum Development Company (SPDC)
- Shell Nigeria Exploration & Production
