Officials of de National Inland Waterways Authority don begin to clear de waterways for Lagos State of the bad grass wey dey grow on top water, wey Oyibo dey call water hyacinths. This work na to prepare for increase of water transportation activities for de festive end-of-year season.
De Lagos Area Manager of NIWA, SARAT BRAIMAH, tok for one press release de say clearance operation go cover major water channels with high boat traffic, including Omu Creeks and Ikorodu water channels.
SARAT BRAIMAH say na de Omu Creeks channel don dey cleared, and say de ikorodu channels own go require at least one week of work to complete am.
De NIWA Lagos Area Manager still tok say de project go reach Badagry and Apapa water channels. She still tok say de target na to maintain safe passage for boat operations during and after de Christmas season.
