President BOLA AHMED TINUBU don travel go Brazil for de 19th Summit of G-Twenty Leaders, wey dey happen inside de city of Rio de Janeiro.
De President of Brazil, LUIZ INÁCIO LULA DA SILVA, na him dey host leaders of de world’s largest economies to discuss critical global issues.
Focus of the tok-tok for de G-20 Summit na: “Building a Just World and a Sustainable Planet,” and dem go torchlight mata wey concern global poverty, hunger, energy transition, and sustainable development.
Special Adviser to de President on Information and Strategy, BAYO ONANUGA, confirm President TINUBU him travel plan for statement on Sunday.
ONANUGA tok say President TINUBU to use him address to push for de reform of global governance institutions, wey de Nigerian government believe say na mata of serious concern.
Him still tok say President TINUBU travel go Brazil together with Minister of Foreign Affairs, Ambassador YUSUF TUGGAR, and Minister of Arts, Tourism, Culture and Creativity, HANNATU MUSAWA, plus others.
