Popular Nollywood actress, Biola Bayo, don announce say she and her husband, Oluseyi, don go their separate ways.
Di actress make di announcement Tuesday afternoon for one post wey she use celebrate her birthday.
For di post wey she share for her Instagram page, Biola Bayo talk say she and her husband don separate since April 2024 because of wahala wey dem no fit settle.
She beg her fans wey fit dey disappointed say her marriage no work, as she talk:
“I dey really sorry, I wish say e work but e better to stay alive make person fit tell di story. Abeg make una dey pray for us.
“As I dey go around dey make other people happy during di day, my pillow dey soak with my own tears almost every night for di past 14 months. But na from Christ wey love me forever and give himself for me I dey draw strength.”
Report show say Biola Bayo marry Oluseyi for April 2021.
Before dat one, she bin marry one UK-based man wey people sabi as Ola for October 2012, but dat marriage end for 2014.
