Former Rivers State governor, Rotimi Amaechi, don talk say di wahala wey dey between di suspended governor of di state, Siminalayi Fubara, and di Minister of di Federal Capital Territory (FCT), Nyesom Wike, na because of how dem wan share money.
Amaechi talk dis one for interview wey e do with DW on Saturday.
Di ex-governor still yarn say di emergency rule wey President Bola Tinubu put for Rivers State no follow constitution.
E say, “Di fight wey dey between di current Rivers governor and di FCT minister na because of how dem wan share money. If no be money, wetin be di quarrel? Nigerians no even dey complain about corruption again. I never see anybody for street dey ask wetin really happen. Make both of dem come talk wetin be di real problem.”
