Semi Ajayi don finally return to play for West Bromwich Albion as dem beat Newcastle United for Premier League 2 match wey happen Monday night.
Di Nigerian defender play di whole first half as e dey try regain e fitness after e don sidon for injury for about four months.
Ajayi bin get hamstring injury for first half of di Baggies Sky Bet Championship match against Cardiff City wey happen last October, and since den, e never play competitive match.
E go likely return to full action within di next two weeks, and dis one go sweet di belle of Nigeria head coach, Eric Chelle, as di Super Eagles dey prepare for di 2026 FIFA World Cup qualifiers wey go happen for March.
