Comedian Justice Nuagbe wey people sabi as Ushbebe don call for national prayer for music legend 2Baba, as e dey worry say di singer dey follow Natasha Osawaru – Edo state lawmaker – anyhow.
For one video wey e drop, Ushbebe talk say di relationship between 2Baba and Natasha no clear, say e resemble something wey pass normal. E even yarn say di kain way 2Baba dey waka behind Natasha na like small pikin wey dem dey carry go school.
E beg make people help pray for 2Baba, say make e “free himself” from Natasha influence.
No be today di matter start sha, as 2Baba mama, Madam Rose Idibia, don also beg Natasha before make she leave her son alone.
Ushbebe talk say:
“I like to dey mind my business but dis particular one no fit make I keep quiet. Which kain rubbish be dis? Which one be all this see finish? You go dey hold legend hand, dey carry am waka like pesin wey you wan go drop for school.
Make we just call for prayers for legend o!
Dem dey hold legend hand dey carry am waka like tata. Legend suppose be legend o. 2Face, free yourself. Emancipate yourself o! I dey try keep quiet but this one hard me.”
