Gbege don shele as explosion rock one section of di Trans Niger Pipeline for Bodo Community inside Gokana Local Government Area for Rivers State, adding join di wahala wey dey ground for di state.
Tori wey reach us be say di explosion happen late Monday night near di Bodo-Bonny Road wey dem dey construct.
One video wey don dey trend show thick black smoke full everywhere as fire dey spread fast enter di mangrove.
Unknown militants don first threaten say dem go attack oil facilities for di state because of di political crisis wey dey go on for Rivers.
When dem ask di state police spokesperson, Grace Iringe-Koko, about di matter, she talk say she go check and give update later.
