Di Federal Government don declare Friday, June 6 and Monday, June 9 as public holiday to mark dis year Eid-ul-Adha celebration.
Minister of Interior, Dr. Olubunmi Tunji-Ojo, na him announce di public holiday on top Federal Government behalf. He hail all Muslim people for Nigeria and those wey dey outside di country as dem celebrate di special occasion.
He beg di Muslim Ummah make dem continue to show sacrifice and strong faith like Prophet Ibrahim (Peace be upon Him) and also use dis period take pray for peace and better Nigeria.
For one statement wey di Permanent Secretary of di Ministry, Dr. Magdalene Ajani, release, di Minister assure Nigerians say all di reforms and programs wey dem dey do under President Bola Tinubu’s Renewed Hope Agenda na to put Nigeria back for correct road of progress.
As he wish all Muslims happy Eid-ul-Adha celebration, di Minister beg all Nigerians make dem support di government to bring back Nigeria glory as better nation.
