Gunmen don kidnap two Catholic nuns for Ufuma road inside Orumba North Local Government Area for Anambra state.
According to one statement from Sisters of di Immaculate Heart of Mary, some gunmen kidnap VINCENTIA NWANKWO and GRACE OKOLI as dem dey return from their vocational association meeting for Ogboji community on wednessday evening di 8th of January.
Di state police spokesperson, TOCHUKWU IKENGA, confirm di matter and him tok say dem don dey work on top di case to make sure say di reverend sisters return.
Di police-led joint operation dem tok say dem dey on top di matter for possible rescue of di victims, dem add say di church members sef don dey pray say make di sisters come back unharmed.
