Nasarawa Amazons head coach, Christopher Danjuma, don hail him team after dem knack Remo Stars for house.
Di home team stop Remo Stars Ladies unbeaten run with 1-0 win for Lafia City Stadium on Wednesday.
Danjuma talk say di win show say di team dey on track for di second half of di season.
But e still talk say dem need improve dia finishing for next matches.
“Di victory over Remo Stars Ladies sweet me well,” Danjuma yarn for post-match interview.
“Na we stop dia unbeaten run, e show say wetin I dey talk na true—make we balance well for second round. But di problem still be how we dey take convert chances. We go work on am”.
“Di match tough because dem be league leaders, but somebody gats win.”
