Di leader of di Indigenous People of Biafra (IPOB), Nnamdi Kanu, go appear before new judge on March 21, 2025.
E don dey confirmed say Kanu go face Justice James Omotosho for Federal High Court, Abuja.
Kanu lead lawyer, Aloy Ejimakor, talk say di legal team don ready, but dem never serve dem di charges wey Kanu go face before Justice Omotosho.
Kanu don dey face charges because of im fight for di actualization of Biafra.
For September 2024, Kanu bin challenge Justice Binta Nyako of di Federal High Court, Abuja, make she remove herself from im case.
After im request, Justice Nyako recuse herself, but di Chief Judge of di Abuja Federal High Court reject di decision.
For December, Justice Nyako adjourn Kanu case indefinitely.
Based on dis, Kanu vow say e no go appear for court again until dem appoint impartial judge wey go handle di matter.
Ejimakor talk say: “E don officially confirm say Onyendu Mazi Nnamdi Kanu go appear before new judge on March 21, 2025. E dey very important, and we don ready.
“E go face Justice James Omotosho for Federal High Court, Court 7.
“Di case go start afresh, like say e never happen before. Everything wey dem don do from 2015 when dem arrest am, till di last time wey e appear before Justice Binta Nyako, don cancel, including all di appeals wey still dey pending.
“Dem go rearrange am on charges wey we never see. We don receive hearing notice, but dem never serve us di charges.
“We no really sabi di charges wey we go face on March 24. Government get one trick wey dem dey always use—dem go serve you di charges one day before hearing, so you no go get time to study am.
“Sometimes, dem go serve you when you don already dey court, but di charges go don dey for court registry, and we no fit dey beg court make dem give us copy.”
