According to assistant coach Tar Akombo, di draw wey Lobi Stars play with Shooting Stars fit be di game wey go change di season for dem.
For Wednesday night, Shooting Stars hold Pride of Benue to 2-2 draw for Lekan Salami Stadium for Adamasingba, Ibadan.
Di Makurdi club get 23 points from 25 games, wey make dem dey last for di table.
Akombo talk say di team gats build on di better performance wey dem show against Gbenga Ogunbote team.
“I happy with di result. I believe say we go win di three points, but unfortunately na draw we get. We still appreciate am. I feel say dis result go be turning point for us,” e tell di club reporters.
Next Wednesday, Lobi Stars go face Niger Tornadoes for di North Central derby.
