Nigeria Premier Football League (NPFL) don sign partnership deal with Federal Radio Corporation of Nigeria (FRCN) to help increase visibility and connect better with fans across di country.
NPFL chairman, Gbenga Elegbeleye, describe di partnership as one strategic move to make Nigeria top football league more popular both for home and abroad.
E talk say Radio Nigeria get wide coverage and strong reputation, wey make di collaboration fit well. E even call am part of di broadcaster’s corporate social responsibility.
“I remember di days wey Radio Nigeria commentators give di league di vibe and visibility wey e deserve. Di voice of Ernest Okonkwo no go ever fade for our memory,” Elegbeleye talk after e sign di deal.
“We for NPFL wan make Nigerians enjoy correct radio commentary again.
“Dis agreement go help us bring di magic of di league enter people house, motor, and everywhere wey football fans dey for di country.”
