Speed Darlington and Portable don set to face each other for celebrity boxing match wey go happen on April 18, 2025, for Balmoral Convention Centre, Lagos.
Di wahala between dem start for March when Speed Darlington offer Portable ₦500,000 to perform for him show, but Portable vex say di money too small, say him dey collect ₦20 million per show.
Portable response cause gbas gbos, as Speed Darlington talk say him regret say he invite am, even accuse am say him insult him mama. Portable no gree, he come challenge Darlington for fight, say him go beat am like how he take win actor Charles Okocha for celebrity boxing match wey happen December 2023.
Di fight don finally set as people don dey request am, di organiser, Mygamerush, announce am for Instagram, talk say, “You asked and now it is here. Two street kings’ battle for ultimate street supremacy.”
