Senate don approve President Bola Tinubu request to put emergency rule for Rivers State.
Senate President, Godswill Akpabio, read di president letter for plenary on Thursday before lawmakers enter closed-door meeting.
After di meeting, Akpabio put di matter for voice vote, and majority of di lawmakers support di request.
As e announce di decision, Akpabio talk say Senate don use dia power under Section 305(2) of di Constitution take approve di president proclamation.
Senate President Godswill Akpabio talk say dem hope say di declaration wey President Tinubu make go bring peace and solve di wahala wey dey Rivers State.
Akpabio say, “We dey hope say dis declaration wey di president make go bring peace and settle all di gbege wey dey Rivers State.”
Di Senate still advise Tinubu make e set up one ad hoc committee of “big” Nigerians wey go help settle di kasala between di different groups wey dey cause di wahala for Rivers State.
