De Federal Government don sympathize with de government and people of South Korea for de death of 179 people ,after de tragic crash of Jeju Air Flight 2216.
According to de report, de crash bin happen on Sunday, de 29th of December 2024, when de Boeing 737-800, wey dey return from Bangkok Thailand, won land for Muan International Airport inside southern South Korea.
De report tok say de cause of de crash na due to lose of control and sudden slide, after de plane jam one wall from de run way na e cause de fire explosion.
Dem tok say out of de 181 passengers and crew wey dey on board, 179 people dem die ,with only two survivors
De spokesperson for de Ministry Of Foreign Affairs Kimiebi Ebienfa tok for one statement for inside Abuja, say de federal Government bin send their condolences to de families of de victims wey die for de crash, im also express support to South Korea for this diffiult time.
