Real Madrid coach, Carlo Ancelotti, don react to Vinicius Junior penalty miss against Atletico Madrid for di UEFA Champions League Round of 16 second leg match on Wednesday.
Ancelotti also explain why e comot di Brazilian forward during extra-time.
Vinicius miss di penalty wey Kylian Mbappe win for second half of di match wey happen for Riyadh Air Metropolitano.
Las las, Real Madrid win 4-2 for penalty shootout after di match end 2-2 on aggregate.
For im post-match interview, Ancelotti talk say: “We don already decide say na Vini Jr. go take di penalty, but unfortunately e miss.
“E no dey plan to take one for di penalty shootout, but e ask me to comot am because e don tire well well.”
Real Madrid go face Arsenal for di quarter-final stage for April.
Meanwhile, Los Blancos next La Liga match na against Villarreal on Saturday.
