Real Madrid star boy, Vinicius Junior, don overtake Lionel Messi for UEFA Champions League knockout stage assists. Di Brazilian assist Jude Bellingham goal wey help Real Madrid knack Manchester City 3-2 for Etihad on Tuesday.
Pep Guardiola boys first score as Erling Haaland net for 19th minute. Kylian Mbappe come equalize for Madrid for 60th minute, but Haaland score again for 80th minute through penalty. Six minutes later, Brahim Diaz balance di game for Los Blancos.
Na Vinicius con show class, e burst City defense, lob ball pass Ederson head, make Bellingham just tap am enter net. Dis assist na Vinicius 13th for UCL knockout rounds, e don pass Messi record wey be 12. E even reach dis milestone after just 50 matches.
Even though e don overtake Messi for knockout assists, Vinicius still get long way to match di overall Champions League assist record. Messi still dey third for di all-time assist list with 40, behind Angel Di Maria (41) and Cristiano Ronaldo (42).
As di second leg go happen for Santiago Bernabeu, Man City go need big miracle if dem wan turn di game around and keep dia UCL hope alive.
