One US-based Nigerian activist, Dr. Sandra Duru, wey many sabi as Professor Mgbeke, don drop bombshell say suspended Senator Natasha Akpoti-Uduaghan offer her ₦200 million to falsely accuse Senate President Godswill Akpabio of organ harvesting.
Dr. Duru reveal this one for Facebook Live on Thursday night, as she show call logs and voice note evidences to back her claims. She talk say she don submit all di evidence to US authorities and other international bodies for forensic analysis.
According to her, Natasha first try to push sexual harassment allegations against Akpabio, but when that one no work, she switch to organ harvesting and try to link am to di death of one young girl, Umoren, wey die years back.
“She no get evidence,” Dr. Duru talk. “She just dey look for way to destroy Akpabio. She even tell me say Nigerians be G and H – Gullible and Hungry. She wan use that lie manipulate everybody.”
Dr. Duru also claim say Natasha:
- Lied say she never talk to her before, but she (Duru) show screenshots and call logs to prove otherwise.
- Allegedly call Dr. Oby Ezekwesili a “useful idiot.”
- Talk say the goal na to force Akpabio out so dem fit destroy “Yoruba government.”
- Say di whole mission na to either get Kogi governorship or Minister of Petroleum as reward.
She beg international security agencies, Nigeria Police, and Inter-Parliamentary Union (IPU) to investigate Natasha thoroughly, especially over wetin she claim to sabi about Umoren’s death wey she keep quiet on since 2021.
“She say no be Akpabio be di real target – na President of Nigeria, because dem no want Yoruba government pass four years,” Dr. Duru talk.
This whole matter don stir serious wahala online, as people dey call for proper investigation to separate truth from lies.
