Minister of Federal Capital Territory (FCT), Nyesom Wike, don cancel land papers of 4,794 people for ten districts inside Abuja sake of say dem never pay ground rent for more than ten years.
Senior Special Assistant to di FCT Minister on Public Communications and Social Media, Lere Olayinka, yarn dis one when e dey brief journalists for FCT administration headquarters for Abuja.
Lere talk say over six billion naira na wetin 8,375 property owners still dey owe FCTA because dem never pay their ground rent.
E still announce say government don give over 3,500 landowners extra time to pay their money or make dem ready for revocation.
Di affected areas include Central Business District, Garki 1 & 2, Wuse 1 & 2, Maitama, Asokoro, and Guzape.
