Controversial actor Yul Edochie don talk say the reason why he turn native doctor na because God call am to serve both God and humanity.
For one post wey he drop for Instagram, Yul explain say the calling no be for evil at all, but to preserve African tradition, help people, and still serve the Most High God.
He yarn say:
“To become native doctor no be anyhow something. Na calling from God. E mean say you wan serve God, serve people, and protect the traditional way of your land.”
Yul still talk say people dey misunderstand native doctors because some bad ones don use the calling do evil. But he clear am say:
“Just like some pastors fit turn bad, some native doctors too dey misbehave. But real native doctor no dey do evil. Real native doctor na true servant of God Almighty.”
Yul dey try show say African traditional practice still get value, and no mean say person no dey serve God if he follow that path.
