Bandits don attack Oga Presido Muhammadu Buhari’s advance convoy for Katsina State.
Oga Presido Senior Special Assistant on top Media and Publicity, Garba Shehu, confirm this one for statement.
Shehu explained say the convoy wey de go Daura to go prepare ground before Oga Presido go come for Sallah celebration this weekend been come under attack near Dutsinma for Katsina.
Shehu tok say the bandits open fire from ambush positions, but military, police plus the Department of State Services people wey follow the convoy de go, stop the attack.
Him still tok say two people inside the convoy wey get small injuries de receive treatment for hospital while other people reach Daura safely.