Kayode Egbetokun don start work for di Force Headquarters as di Acting of Inspector General of Police.
Him start work after di Vice Presido, Kashim Shettima decorate Egbetokun wit him new rank as Presido Bola Ahmed Tinubu appoint am.
Di immediate-past IGP, Usman Alkali Baba perform di official handover to IGP Egbetokun.
As he resume office, Acting IGP Egbetokun naim go be di number twenty-two Inspector General of di Nigeria Police Force.
Di Acting IGP dey call for di cooperation of di rank and file of di Nigeria Police Force, as work dey under him leadership.
Him tok se under him leadership di police go work as team, embrace transparency and integrity, wit emphasis ontop community policing.
IGP Egbetokun still pled wit Nigerians to support di police for di fight against criminal activities.