Di Police Service Commission don approve di appointment of AIGs Frank Mba and Bala Ciroma as Deputy Inspectors General of Police.
DIG Mba go represent di South East zone and replace retired DIG John Amadi wey before him retire dey represent that zone.
DIG Ciroma go replace DIG Ali Janga wey retire from Service and bin dey represent di North East geo-political zone for di Police Management team.
Di tok tok pesin for di Police Service Commission, Ikechukwu Ani for statement se di Commission still approve di promotion of fourteen Commissioners of Police to di next rank of Assistant Inspectors General of Police and twenty-two Deputy Commissioners of Police to di rank of Commissioners.