Inter Milan don qualify for Champions League final after them win the trophy for 13 years ago. Inter Milan beat AC Milan three-nil aggregate yesterday night for San Siro to take qualify for the Champions League final.
Argentina captain, Lionel Messi don win the 2023 Laureus World Sportsman of the Year award. The organisers tok for twitter say Messi win the award sake of say him lead Argentina to win their third World Cup for Qatar. Meanwhile, Nigerian athlete, Tobi Amusan lose her own category; Laureus World Breakthrough of the Year Award to twenty-year-old…
Nigerian striker, Victor Osimhen miss one penalty but still score another goal to give Napoli a one-nil win over Fiorentina for their first home match since dem win the Serie A title. Osimhen score with penalty for seventy fourth minute after Nicolas Gonzalez foul Khvicha Kvaratskhelia for the penalty area.
Paris St-Germain don suspend Lionel Messi for two weeks sake of say him travel go Saudi Arabia without the club permission. The trip so de happen PSG home defeat by Lorient for Sunday wey Messi played the full 90 minutes. Messi no go train or play for PSG during the suspension period.
Golden Eaglets go play Morocco today for 2023 U-17 African Cup of Nations game. If Nigeria win today game, e mean say Golden Eaglets don qualify for the competition quarterfinals. Nigeria beat Zambia one-nil for Group B opening game.
Switzerland go host the 2025 Women’s European Championship. UEFA choose Switzerland upon say Poland, France, Denmark, Sweden, Finland and Norway say dem wan host the tournament. Ukraine also express interest say dem go host the event before Russian invade that country.