Chief Justice of Nigeria, Justice Ibrahim Tanko Mohammad, don respond to one letter wey fourteen justices of the Supreme Court sign.
The Supreme Court justices dey complain say the way wey the court be, no de sweet their belle at all all.
The justices wey de vex accused the CJN say him no gree address the issue wey de affect them like house plus motor matter.
The justices come still accuse the CJN say him de travel with him wife, children plus personal staff while him no dey allow then travel with their assistants during obodo oyibo travel.
They still tok say dem don de forced to de work between the hours of eight A.M and four P.M everyday because diesel no too de dey.
The CJN for him response through him tok tok person, Ahuraka Yusuf Isah, for one statement tok say Nigeria economic and political wahala de affect the court self.