Gunmen don kill 4 US consulate staff for Anambra State.
The Anambra Police tok tok person wey be Tobechukwu Ikenga, confirm say the attack happen for along Atani, Osamale Road.
The Police tok tok person tell tori people say people wey die for the attack na two Police Mobile Force operatives plus two local US Consulate staff.
Ikenga say no American citizens die for the attack wey happen yesterday, him come still add say the attackers burn the motors together with the bodies of those people wey dem kill.