Nigeria Labour Congress don hold nationwide protest on top ASUU strike wey don pass five months.
This protest wey happen for different different part of we country, na part of NLC plan to take show ASUU say dem dey together.
For Lagos, NLC members protest for Ikeja wey be the state capital.
Governor Babajide Sanwo-Olu no de around to welcome the protesters but the Commissioner for Ministry of Establishments, Training and Pensions, Ajibola Ponle welcome the protesters them.
Ponle wey receive letter wey NLC people write, tok say Governor Sanwo-Olu travel comot outside Lagos for one matter wey de important.
She still tok say Governor Sanwo-Olu go carry their letter go give Oga Presido Muhammadu Buhari.