Oga Presido Muhammadu Buhari don swear in seven new ministers wey Senate been confirm.
Him administer oath of office to them before the weekly Federal Executive Council meeting start for the Presidential Villa inside Abuja.
Oga Presido Buhari also reshuffle him cabinet small after him swear in the ministers dem.
The new assignments show say Umana Umana don become Minister for Niger Delta Affairs; Gbemisola Saraki move from Transportation to Minister for State Mines plus Steel; Olorunimbe Mammora move from Health to Minister for State, Science and Technology, and Sharon Ikeazor move from Environment to Minister of State Niger Delta Affairs.
The other portfolio wey Oga Presido announce na Muazu Sambo, Minister of Transportation; Umar El Yakub- Minister of State Works plus Housing; Goodluck Opiah, Minister for State Education; Ekumankama Nkama, Minister for State Heath; Ikoh Ikechukwu, Minister for State, Science and Technology; Odum Udi- Minister for State, Environment, plus Ademola Adegoroye- Minister of State, Transportation.
The new ministers replace those one wey resign to go contest election.