The government of the United Kingdom don announce new guidelines to checkmate the number of people wey dey enter the country as international students.
This ban go affect some family members as na only postgraduate students wey dey study courses wey dey based on research naim dem go allow to bring their family member com the UK.
Overseas students no go fit change their study route to work route before dem finish their studies.
This wan na becos the number of foreigners wey dey enter the UK since the end of Covid-19 pandemic don increase.
The UK Home Secretary, SUELLA BRAVERMAN inside statement to the parliament tok se dem issue one hundred and thirty-six thousand visas to family members of international students last year.
SUELLA BRAVERMAN tok se the number na eight times as much as sixteen thousand of this kind visas wey dem issue for 2019.
Oga Presido Muhammadu Buhari don use him name, name the second Niger bridge wey dey connect Anambra and Delta states.
The Special Assistant to the Presido on Digital and New Media, Tolu Ogunlesi confirm the adoption of MBB as the formal name of the Second Niger Bridge.
Ogunlesi still tok se governors of the five states for the South-East Geopolitical Zone agreed to name the Second Niger Bridge after oga Presido, Buhari.