Former Lagos State Governor Lagos State, Bola Ahmed Tinubu, don win the Presidential ticket for the All Progressives Congress.
Kebbi State Governor Atiku Bagudu who wey serve as the Returning Officer for the APC Special National Convention in Abuja, announce say na Tinubu be the winner for the primary.
Bagudu tok say Tinubu scored one thousand, two hundred and seventy-one votes to beat other fourteen contestants after eight other aspirants step down.
Former Minister for Transportation, Rotimi Amaechi come second, with three hundred and sixteen votes, while Vice President Yemi Osinbajo carry third, with two hundred and thirty-five votes.
Meanwhile; Senate Presido Ahmed Lawan, score one hundred and fifty-two votes for the APC presidential primary.
Other people na Kogi State Governor Yahaya Bello wey scored forty-seven votes; Governor Dave Umahi for Ebonyi State wey get thirty-eight votes; while Governor Ben Ayade for Cross River State get thirty-seven votes.
Also, Ahmed Sani pick four votes; while former Minister of State for Education, Chukwuemeka Nwajiuba plus including former Minister of Science and Technology, Ogbonnaya Onu, scored one vote each.
However; Pastor Tunde Bakare, Ikeobasi Mokelu, Senator Rochas Okorocha plus Tein Jack Rich no get any vote.
Bola Ahmed Tinubu don call for the unity of Nigerians, as the country de prepare for the 2023 general election.
For him acceptance speech after they declare am winner for the APC primary, Tinubu praised the party Oga dem plus delegates sake of the convention successful.