Police don arrest three armed robbers wey de worry pipo for Ajah side for Lagos State.
The tok-tok person for Lagos State Police Command, Benjamin Hundeyin, tok for one statement say police arrest the suspects for Ajah under-bridge.
Hundeyin talk say Anti-Crime patrol team wey come from Ajah Divisional Police Headquarters stop the suspects for inside one moto and dem come recover one pistol wey de produce locally.