One opinion poll wey ANAP Foundation plus NOI Polls Limited conduct don put Governor Babajide Sanwo-Olu of the APC for the lead for the 2023 governorship election for inside Lagos State.
Atedo Peterside of ANAP Foundation, wey announce the results for one TV broadcast, say Governor Sanwo-Olu do well pass Bola Tinubu for the opinion poll as e take concern presidential candidates.
Atedo Peterside still tok say the ANAP-NOI polls for Rivers State for South-South put PDP candidate for small lead while APC de follow for back.
Peterside tok say the poll result for Kano State show say Abba Kabir Yusuf of NNPP de lead, while APC de follow for back.
For North Central wey the ANAP-NOI poll focus for Kwara State, the result show say Governor Abdulrahman Abdulrazaq of APC de lead.
However, for the South-East state of Abia, Alex Otti of Labour Party na him de lead.